CEO i A22 Sports Reishart: Do ti gjëjmë 64 klube
Kreu i projektit të Superligës europiane të futbollit, Bernd Reishart, është i bindur se do të gjejë 64 klube që do të aplikojnë për këtë kompeticion, ndonëse shumë klube të mëdha, tashmë kanë deklaruar se nuk do të marrin pjesë.
Ideja origjinale e prezantuar në vitin 2021, në të cilën Superliga supozohej të përbëhej nga 12 klubet më të fuqishme të futbollit evropian, u ndal nga reagimi i shpejtë i presidentit të Organizatës Europiane të Futbollit (UEFA) Aleksander Ceferin dhe bashkëpunëtorëve të tij. .
Por të enjten, Gjykata Evropiane e Drejtësisë vendosi në favor të Superligës, duke penguar UEFA-n të përpiqet të bllokojë nisjen e një kompeticioni të ri që duhet të rivalizojë Ligën e Kampionëve dhe kompeticionet e tjera evropiane për klube.
Agjencia A22 Sports, e cila qëndron pas idesë së fillimit të Superligës dhe ende gëzon mbështetjen e Real Madridit, ka një plan të ri në të cilin gara e re do të përbëhet nga tre divizione dhe sistemi nuk do të mbyllet dhe do të synohet ekskluzivisht për klubet më të pasura.
“Kemi besim se do të gjejmë lehtësisht 64 skuadra, tha drejtori ekzekutiv i A22 Sports, Bernd Reishart, për agjencinë gjermane të lajmeve dpa.
- Ne duam ta zhvillojmë më tej propozimin, tani klubet më në fund mund ta bëjnë atë hapur dhe pa frikë nga sanksionet. Ata mund të na ndihmojnë të gjejmë një mënyrë për ta bërë futbollin përsëri të madh në Europë, tha Reishart.
Argumenti më i fortë i këtij projekti është disponueshmëria e ndjekjes së ndeshjeve pa kosto shtesë përmes transmetimeve në rrjet dhe televizion dhe do të financohej përmes reklamave.
