Egnatia kalon Dinamon, AF Elbasani konsolidon vendin e dytë
Dinamo Siti- Egnatia 1-2 (Zabërgja 67′ / Zejnullai 16′, Isgandarli 80′).
U luajt ndeshja e fundit e ditës së sotme për javën e 17-të Abissnet Superiore. Pas Kukësi- Partizani përfunduar 1-1, në mbrëmje në Durrës, Dinamo u përball me Egnatian kryesuse.
Që në fillim, kryesuesit e kampionatit shqiptar nga Rrogozhina, arritën të kalonin përpara me golin e Zejnullait në të 16′.
Në pjesën e dytë blutë barazuan pas një goli mjaft të bukur shënuar në të 67′ nga Zabërgja ndërsa në fund skuadra e teknikut Edlir Tetova rigjeti avantazhin teksa Iskandarli shënoi nga pozicioni ballor dhe festoi si Kristiano Ronaldo.
Pas kësaj ndeshje, Egnatia kryeson e vetme me 5 pikë diferencë nga vendi i dytë i Partizanit, ndërsa Dinamo mbetet përkohësisht i gjashti me 19 pikë.
Kategoria e Parë:
U luajt edhe dueli i fundit i javës së 16-të të Kategorisë së Parë mes Elbasanit dhe Besës ku vendasit triumfuan pastër në shifrat 2-0 dhe krijojnë shkëputje nga vendi i tretë në renditje. Sakaq, Besa mbetet në pozita jo të favorshme, e parafundit në renditje. /Sara Gjidiaj-Sportiim.al/