Sporti i Regbisë në Peshkopi, gati projekti ambicioz
Në kuadrin e javës së Kulturës Britanike, Klubi i Regbisë “Tirana” u shfaq sot në Peshkopi në turneun e Regbisë në partneritet me Ambasadën Britanike në Tiranë, me projektin ‘Prespektiva të Reja’.
Regbia, një sport popullor në Mbretërinë e Bashkuar, me të cilin shumë familje dibrane dhe të rinj që kanë emigruar në Mbretërinë e Bashkuar janë të familjarizuar, nuk është aq i përhapur në Shqipëri apo Dibër.
Nëpërmjet kësaj nisme, Dibra shumë shpejt do ketë ekipin e saj të Regbisë për të rinj si një urë lidhëse për të rinjtë dibranë me familjarë në Mbretërinë e Bashkuar.
Mbi të gjitha për të krijuar një mundësi më shumë për të rinjtë dibranë për të pasuruar jetën e tyre extra-curriculare.
Ndërkaq në këtë aktivitet kulturoro- sportiv morën pjesë Prefekti i Dibrës Nexhbedin Shehu, Kryetarja e Këshillit të Qarkut Dibër, Alma Selami, Kryetari i Bashkisë Dibër, Rrahim Spahiu, dhe deputeti i Qarkut Dibër Lavdrim Krashi. Përgatiti: Fatmir Zhuzhi.
