Partizani në Andorrë, pas pak seanca përgatitore
Të gjithë me sy e veshë nga Andorra. Partizani i Tiranës pas udhëtimit mengjesin e sotëm drejt Tuluzës me çarter, e më pas me autobus, ka mbërritur në shtetin e vogël në veri të Spanjës dhe jug të Francës.
Të kuqtë me 25 korrik (të martën) në ‘Estadi Comunal’ me fillim orën 17:00, do të përballen me Atletik Eskaldes në të vajtjes së Conference League. Në këtë tur të dytë, kampionët e Shqipërisë, duken më të sigurtë për të kaluar pasi veç rivalit modest, ka në rozë dhe disa përforcime si Mateo Kocijan e Gjelbrim Taipi.
Skuadra pas pak, do të zhvillojë seancën e kësaj dite në 18:00, ndërsa një tjetër është parashikuar të kryhet të hënën. Më pas, skuadra e Zekiç do duhet të përballet ndaj vendasëve të martën në duelin që UEFA ka caktuar si arbiter uellsianin Robert Ian Jenkins./Sportiim.al/