Superiorja drejt verdiktëve finalë, pesë duele…

Sot Abissnet Superiore luan javën e 34-ët të saj. Me fillim orën 16:00 të gjitha duelet e parashikuara nga kalendari. Do të jetë akti i tretë nga fundi i këtij edicioni të 84-ët futbollistik.

Ndryshe nga edicionet e fundit, këtë radhë në këtë pikë të garës nuk ka asnjë verdikt të zbardhur. Titulli dhe fundi por dhe zona e europës vishen me shumë të panjohura ndaj sot në disa akse do mund të kristalizohen jo pak disa gjëra.

Kështu në luftën për titull, Tirana dhe Partizani do duhet të kalojnë prova të forta këtë të diel.

Bardheblutë udhëtojnë në Laç ndërsa të kuqtë presin në ‘Arenën e Demave’ Vllazninë e Shkodrës.

Mjaft interes shfaq dhe lufta për europë e mbijetesë. Me Tiranën dhe Partizanin që kanë siguruar europën, disa skuadra janë në luftë për vendin e 4-ët. Egnatia (3) është shumë pranë një bilete në kontinent pasi veç mundësisë nga Kupa (në finale me Tiranën) luan kartat e saj këtë të diel nga kampionati teksa do të presë Erzenin.

Për vendin e katërt në valle Vllaznia, Laçi dhe Teuta. Skodranët e kanë të ndaluar humbjen me Partizanin ndërsa si Laçi ashtu dhe Teuta deomos i’u bëjnë punë vetëm tri pikët e më pas të shohin se cfarë ngjet me rivalët e tjerë.

Betejë në vete qëndrimi në Superiore. Bylis (9) dhe Kastrioti (10) pasi fituan javën e kaluar do tentojnë mrekullinë edhe këtë fundjavë. Nga ana tjetër Erzeni (8) gjëndet te zona play out dhe dueli me Egnatian konsiderohet një superfinale. Për më tepër shijakasit kanë larguar trajnerin Kapllani.

Java e 34:

Ora 16:00

Bylis- Kukësi

Egnatia- Erzeni

Laçi- Tirana

Partizani- Vllaznia

Teuta- Kastrioti/Sportiim.al/

Klasifikimi pas javës së 33-të