Rikthehet Liverpul-Real, Napoli viziton Frankfurtin
Vëmendje maksimale sot në Champions League. Në turneun më të madh në kontinent për klube,Liga e Kampionëve rikthehet për të luajtur fazën e saj të 1/8-ave me dy sfida dukshem interesante.
Ajo që spikat është finalja e parakohshme (sikundër ajo e vitit të kaluar) mes Liverpulit dhe Realit të Madridit parashikuar në “Anfield Road”.
Ndërkohë përpos impenjimit në turneun e tij të preferuar (14 trofe), Reali është shokuar sot nga një lajm i hidhur. Klubi ka njoftuar ndarjen nga jeta të një legjende si ajo e Amancio Amaro. Ai luajti për Real Madridin midis viteve 1962 dhe 1976, me të cilin fitoi Kupën e gjashtë Europiane, 9 La Liga dhe 3 Kupa (Copa del Rey) të Spanjës.
Ndeshja tjetër do të luhet në “Deutsche Bank Park” ndërmjet Eintrahtit të Frankfurtit dhe Napolit që këtë sezon duket se ka kapur majat e historisë. Ekipi i Spaletit shumë pranë zyrtarizimit si kampion në Serie A. Paçka se në Champions ka gjithnjë histori të reja.
Këto dy takime luajnë sfidat e kthimit më 15 mars 2023.
Champions League faza e 1/8 ave: sot 21:00
Liverpul- Real Madrid
Eintraht- Napoli/Sportiim.al/