Fiton Karabak, Xhixha godet shtyllën
Në Baku teksa Karabak dhe Gent luajtën aktin e parë të fazës play off në Conference League, u aktivizua edhe ish sulmuesi i Laçit dhe Tiranës Redon Xhixha. Sulmuesi 24 vjeçar i transferuar gjatë janarit në Azerbajxhan, mori disa minuta në fund duke luajtur në total 19 minuta.
Paraqitja e Xhixhës i cili edhe pse i larguar vijon të kryesojë listën e shënuesëve në Shqipëri (11 gola), për t’u duartrokitur teksa arriti të kthehet në protagonist në takimin e përfunduar 1-0 për Karabak.
Fillimisht kurbinasi goditi shtyllën ndërsa pak minuta më vonë u ndal një- për një nga portieri Roef. Nuk mundi të evitojë një karton të verdhë në lojën pa top./Sportiim.al/
