Java e fundit e fazës së parë, mbyll Tirana
Përgatiti: Erga Kenga
Me fitoren bindëse të Partizanit (1-4) ndaj Teutës dhe atë të Vllaznisë ndaj Bylisit (2-1) luajtur dje, dita e sotme servir tri takime të tjera në Abissnet Superiore. Në një mënyrë për të korurëzuar edhe mbylljen e aktit të parë nga katër faza që ofron formula me 36 javë në elitë.
Do të jenë paraprakisht duelet Kastrioti- Laçi, Kukësi- Egnatia me start orën 15:00 dhe Tirana- Erzeni e cila zhvillohet në “Elbasan Arena” në 17:45.
Në Kamëz aty ku do të drejtojë arbitri Klodian Shahini, Kastrioti- Laçi i gjithi për tu ndjekur. Derbi rajonal gjën krutanët më lart në renditje ndërsa Laçi vijon të mbetet në zonën e rrezikut. Çela i ka gati të gjithë te kampi krutan, te Laçi Alla jashtë liste për dëmtim.
Kukësi-Egnatia me risinë e debutimit të Shpëtim Duros në krye të pankinës rrogozhinase. Vendasit vijnë pas tri fitoreve radhazi dhe morali por dhe rikthimi për të luajtur me tifozë në “Kukës Arena” i japin skuadrës së Dobit bonuset paraprake të kësaj përballjeje. Vendasit kanë mungesën e Ndrecs (kartonë) ndërsa kanë se ndarë rrugët me mbrojtësin Isiç i cili mka mbyllur me verilindorët. Te Egnatia mungon Xhekson.
Tirana- Erzeni sfida përmbyllëse e javës së nëntë Abissnet Superiore në program në Elbasan. Bardheblutë të dytët në tabelë me misionin për të mos ju ndarë kreut tashmë 4 pikë larg, ndërsa shijakasit për të rikthyer besimin e lëkundur këto tri javë të fundit teksa skuadra ka mbledhur vetëm një pikë.
Kampionët sot pa Limajn e dëmtuar por trajneri Shehi ka dhe ndonjë tjetër lojtar në pikëpyetje. Mungesë e sigurtë edhe ajo e Toshevskit i cili ka fluturuar drejt Arabisë me prfqësuesen e Maqedonisë së Veriut. Erzeni e ka gjithë kontigjentin në dispozicion.
