Sindriti hedh ‘Guri’-n në Stamboll
Shkodrani e dërgon në pesë numrin e futbollistëve te Istanbulspor
Lojtari i shumëdëshiruar nga klubet shqiptare, prej ditësh nën radarët e Partizanit dhe Vllzanisë, ka vendosur sot për të ardhmen e tij. Sindrit Guri ka firmosur marrëveshjen për dy sezone me klubin e Istanbulspor në Superligën turke.
Sulmuesit shkodran i përfundoi kontrata me Shkëndijën këtë verë dhe u largua drejt Turqisë si lojtar i lirë. Me tetovarët 28-vjeçari mban firmën e 8 golave gjatë 13 performancave.
Në të shkuarën Guri ka luajtur për Vllazninë, Besën, Kastriotin, Korabin, Kukësin dhe Ostenden në Belgjikë, ndërsa tashmë i bashkohet kolonisë shqiptare në Turqi.
Te Istanbulspor Guri do të jetë shqiptari i pestë pas Topallit, Rrocës, Abazajt dhe Ethemit.