Partizani përmbyset nga Saburtalo, penalltitë…
Portieri Teqja nuk mjafton me dy penallti të pritura. të kuqtë mbyllin me europën.
Conference League: Partizani- Saburtalo 0-1 (1-0) (Guliashvili 53′) 4-5 penallti
Partizani ka dështuar të hedhë hapin për në turin e dytë të Ligës së Konferencës. Pasi fituan në Gjeorgji 1-0 me një gol të Carës, ndeshjen e kthimit kryeqytetasit nuk arritën ta administronin siç duhet.
Një pjesë e parë e mbyllur pa gola me Saburtalon më kërkues dhe me më shumë dalje para portë së Partizanit, i cili shfrytëzonte kundërsulmet si dhe daljet e shpejta të Skukës dhe Rrapajt. Skuadra nga Gjeorgjia provoi disa herë me gjuajtje nga distanca, por pa mundur dot të shënojë. Në fund të kësaj pjese, një tifoz i vogël i Partizanit hyn në fushën e lojës duke bërë që ndeshja të ndërpritet per disa sekonda dhe më pas të vijojë normalisht.
Në minutën e 53′-të Saburtalo do të shënojë me anë të Guliashvilit pas një aksioni të shpejtë në zonën e Partizanit duke barazuar rezultatin e përgjithshëm.
Për të vendosur fatet e sfidës duhet të luhet përtej 90-minutëshit, madje edhe përtej dy shtesave.
Në serinë e 11-metërshave, Saburtalo do të tregohet më e saktë dhe do të sigurojë kualifikimin me 5 penallti të realizuara kundrejt 4 penalltive të sakta të Partizanit. Atanskoski, Rrapaj dhe Maget gabuan duke i hequr mundësinë Partizanit për kalimin në turin e radhës./Sara Gjidiaj/