Holanda mund Portugalinë, buzëqesh Suedia
Mbrëmjen e sotme për llogari të Grupit C të ‘Euro 2022’, kampionia në fuqi, Holanda, ka fituar përballë Portugalisë me rezultatin 3-2.
Një ndeshje mjaft e luftuar nga të dyja skuadrat dhe me disa raste të diskutueshme nxorri fituese në fund holandezet, të cilat shënuan që në minutën e shtatë me Egurolën dhe dyfishuan më pas me anë të Gragt.
Në minutën e 38′-të akordohet një penallti ne favor të Portugalisë e cila kthehet në gol nga Da Silva Kosta.
Portugalia do të barazojë në fillim të pjesës së dytë me Silvën që dërgon topin në kuadratin e portës dhe vetëm pak minuta më pas do të shënojë Rurd për Holandën por goli anulohet nga sistemi VAR.
Goli i fitores për “Tulipanet” erdhi në minutën e 62-të i realizuar nga De Donk. Kështu, Holanda rrëmben kreun e grupit dhe udhëheq me pikë të barabarta me Suedinë, e cila fitoi sot përballë Zvicrës 2-1. /Sara Gjidiaj/
Sfidat e nesërme:
Grupi D
Itali-Islandë 18:00
Francë-Belgjikë 21:00