‘Euro 2022’ Femra/ Italia “ngec” sërish, kualifikohet Franca

Italia nuk ia ka dalë të fitojë as përballë Islandës. Pas humbjes së thellë me Francën, sot Italia mori një barazim me Islandën në shifrat 1-1.

Islanda shënon që në minutën e tretë me Viljalmshdotir dhe administron mirë avantazhin deri në minutën e 62′-të kur Italia barazon shifrat me anë të Bergamaskit.

Pas këtij barazimi, Islanda ndodhet në vendin e dytë me 2 pikë, ndërsa Italia mbyll klasifikimin e grupit D me 1 pikë duke e bërë më të vështirë kualifikimin për në fazën tjetër.

Franca mposht edhe Belgjikën,dhe pret biletën e parë kualifikuese të Grupit D.

Franca është e pamposhtur deri më tani në Europianin e femrave. Pas fitores me Italinë, francezet ia dalin edhe përballë Belgjikës duke i mposhtur këto të fundit në shifrat 2-1 e siguruar njërin nga dy vendet e para që ecin në turin pasardhës.

Avantazhi për francezet vjen që në minutën e gjashtë me Diani, ndërsa 30 minuta më vonë, do të barazojë Belgjika me Kajman.

Goli i fitores për Francën do të shënohet në fund të pjesës së parë nga Bethi dhe asgjë nuk do të ndryshojë në pjesën e mbetur të lojës. (Sara Gjidiaj Sportiim.al/