Qeveria britanike lejon shitjen e Çelsit, afati 10 ditë
Lajm i mirë për Çelsin i cili mund të marrë frymë sërish pas ditëve të kaosit të pastër. Sipas raportimeve të Daily Telegraph të pasqyruara nga TMW, Roman Abramoviç ka arritur një marrëveshje me qeverinë britanike për të shitur klubin.
Në fakt ishte e njëjta qeveri ndërsa kishte bllokuar operacionet ditët e fundit. Qeveria mësohet se i ka vendosur rusit një afat prej rreth dhjetë ditësh, deri në fund të javës së ardhshme, për shitjen e klubit.
Nga ana tjetër Abramoviç i ka komunikuar menjëherë The Rain Group, bankës amerikane që merret me shitjen e klubit, për të riaktivizuar çdo operacion shitjeje:
I njëjti burim thotë se për momentin ka disa sipërmarrës të interesuar, duke përfshirë edhe multimiliarderin Nick Candy, i cili ka konfirmuar ditët e fundit interesin për duke marrë përsipër klubin londinez.