Kukësi pret Tiranën në ‘Loro Boriçi’
Pas dështimit për ta luajtur në ‘Zeqir Ymeri’–n e ribërë nga e para, Kukësi e kthen në telenovelë fushën për të luajtur me Tiranën në Abissnet Superiore.
Për javën e fundit të fazës së parë fillimisht u tha se Kukësi- Tirana do luhej në Elbasan Arena’. Më pas ljami mori dhenë duke e kthyer takimin e javës së nëntë në ‘Air Albania Stadium’.
Por sot sërish ka një adresë të re. Ndeshja kryesore e javës Kukësi- Tirana spostohet në Shkodër.
Mësohet se kjo lëvizje e re ka ardhur me shkakun e gjëndjes së rënduar të tapetit në impiantin modern i cili pas pas sfidës së Kupës mes Tiranës dhe Dinamos, në program pas pak orëve (19:45), do t’i nënshtrohet një periudhe riaftësimi.