Atletiko përmbys Osasunën, Real tifo për Vajadolid…
Vendimtar Luis Suarez, uruguajani shënon dy minuta nga fundi.
Më kot u gëzua Real Madrid teksa nga ‘Wanda Metropolitana’ erdhi lajmi se Osasuna kishte kaluar përpara ndaj Atletikos.
Edhe pse kishte dhe 8 minuta lojë, skuadra e Simeones arriti të përmbysë shifrat dhe të fitojë 2-1 duke ruajtur kryesimin me dy pikë nga Reali. Formacioni i Zidan fitoi 0-1 në Bilbao me vendasit pas golit të Naços.
Ndërkaq Barcelona mundet në Camp Nou 1-2 nga Selta Vigo dhe mbyll llogaritë me titullin që këtë edicion i shkon Atletikos ose Realit.
Javën e fundit, Atletiko Madrid udhëton në fushën e Vajadolidit, ndërsa Reali pret Vijarealin. Me pikë të barabarta, kampion shpallet Real. Aktualisht Atletiko Madrid ka dy pikë më shumë se Real.