Esin Hakaj: Jemi në rrugën e duhur
Shënoi një supergol, Hakaj përcakton rivalët për titull.
Pas ndeshjes së fituar ndaj Kastriotit 3-1, në prononcimin për ‘Supersport’, Esin Hakaj foli për golin e parë sezonal por dhe pretendentët e titullit.
Mbrojtësi shkodran i linjës së majtë, ndër më të dalluarit në Superiore, së bashku me Alban Hoxhën në portë, janë të vetmit që i kanë luajtur të gjitha takimet sezonale te Partizani.
Hakaj, goli i dytë në karrierë?
“Është goli i tretë. Dy i kam shënuar me Teutën, Kupë, kampionat dhe ky i sotmi me Partizanin. E rëndësishme është që ekipi fitoi e tani të shpresojmë të vazhdojmë përpara.”
Ecuria…
“Kemi pasur disa ndeshje që nuk i kemi fituar, kemi krijuar raste, kemi bërë ndeshje të bukura e fati nuk na ka ndihmuar. Jemi në rrugën e duhur e shpresojmë të vazhdojmë kështu për fitoren.”
Si shkodran por dhe si shok skuadre folët me Çinarin për atë sjellje në fund?
“Ajo e Çinarit mund të ishte keqkuptim, nuk e di se për çfarë ishte e ndodhi, Çela a kush e ngacmoi, ishte thjesht keqkuptim. Sot e nisëm në minutat e parë keq, në çdo ndeshje e kemi nisur mirë, shpresojmë që në ndeshjet e tjera të vazhdojmë mirë.
Kush ndan titullin?
“Besoj se Teuta dhe Vllaznia janë dy ekipet pretendente dhe ne.”