Burreli për kreun, Grupi A i gjithi në… ‘lupë’
Me Dinamon e cila do duhet të pushojë, Burreli i vendit të dytë i ka të gjitha shanset që sot të kapë kreun e Grupit A në Kategori të Parë. Matjanët e Nikajt shfrytëzuan më së miri javën e kaluar humbjen e bluve dhe pas fitores ndaj koplikasëve në transfertë, renditën të dytët me 1 pikë më pak se skuadra e Morieros. Sot një fitore ndaj Vorës në ‘Liri Ballabani’, i dhuron kreun…
Ndërkaq në këtë grup luhen dhe tri përballje të tjera. Në pamje të parë, të gjitha duken finale. Korabi i Canajt, domosdo synon tri pikë ndaj Orikut për të mbetur në valle për zonën lart. Po ashtu Besëlidhja e teknikut Bardhi që nuk po arrin të imponohet si pretendente e denjë e Grupit A.
Me mjaft interes sfida e Shijakut teksa Erzeni i Bubeqit, duket se e ka nisur me marsh tjetër 2021-in. Fitorja ndaj Dinamos në Pezë javën e kaluar, tregues i qartë se Erzeni kërkon një vend në 5-ën finaliste të fazës së tretë.
Në Grupin B, luhet vetëm Pogradeci- Besa e Kavajës. Kjo sfidë i ngjan një finaleje të parakohëshme duke ditur faktin që si ‘liqenorët’ ashtu dhe verdhezinjtë, e kanë të pamundur dështimin. Të tjerat nesër.
Kategoria e Parë, java e 11-të
Grupi A:
13:30
Korabi-Veleçiku
Burreli-Vora
Besëlidhja-Partizani B
Erzeni-Oriku
Grupi B
13:30
Pogradeci-Besa