Tjetër triumf në gjyqe, Demiri pret…Zilinën
FIFA duket se me prezencën e pandemisë Koronavirus, do të ketë shumë punë me parregullsitë në kontara dhe borxhe mes lojtarëve, drejtuesëve dhe vetë klubëve të caktuara.
Janë intensifikuar dhe rastet shqiptare teksa i fundit lidhet me mbrojtësin e Kukësit Besir Demiri. Mësohet se futbollisti nga Maqedonia e Veriut, e ka fituar gjyqin me MSK Zilina, për shkak se sllovakët e ndërprenë kontratën me mbrojtësin e majtë pa arsye. Zilina largoi shumë lojtarë me pretekstin se nuk i përballonte dot financiarisht gjatë pandemisë.
Avokatët e Demirit dërguan çështjen në FIFA dhe kjo e fundit i ka dhënë të drejtë mbrojtësit që luan në Superiore me Kukësin.
Demiri ka fituar dhe Zilina duhet të derdhë në llogarinë e mbrojtësit shumën e 180 mijë eurove, por dhe një interes prej 5 për qindësh të përllogaritur nga qershori.
Brenda 45 ditësh ekipi sllovak ka afat ndërsa e kundërta e penalizon me mbylljen e merkatos në tre sesione. Komiteti Disiplinor i FIFA-s ka gjithë tagrin e penalizimëve të tjera të rënda.
