Kadia: Jemi të kënaqur edhe 2 për zgjidhje
Ditën e djeshme me turin e parë të Kupës së Shqipërisë nisi sezoni i ri futbollistik 2020-2021.
Pas bisedimeve Duka- Rama duket se dhe Liga Profesioniste e Futbollit ka marrë mesazhet e duhura dhe kjo u paqyrua në fjalët e Sekretarit Dritan Kadia.
I ftuar në emisionin Ora Sport, ai theksoi se dy nga katër kërkesat janë plotësuar.Kadia zbulon edhe dinamiken e vetë presidentëve të klubëve me qasjen e bojkotit dhe ndalimin e tij.
“Për ndeshjet derbi shuma e arkëtimeve nga tifozët janë të mëdha. 2 nga kërkesat janë të realizuara. Njëra është 6 % i aktiviteteve sportive dhe kjo do japi frymëmarrje asaj që ndodh në sport. Në sportet e tjera, prindërit paguajnë por nuk marrin faturë.
Sipas skemës së Minsitrisë së Financave, kjo e ngarkon buxhetin e shtetit me një shumë X. Garantohet që këto para do shkojnë për sportin. Askush nuk do guxojë t’i prekë paratë. Fillimisht duhet të paguajë taksat dhe të jetë i informuar.
Presidentë kundër? Njerëzit mund të jenë radikal në momentin e parë. Kishte Presidentë që thonin që nuk mund të fitonim gjë. Në fund të gjithë ishin unanim”, tha ndër të tjera Kadia.
