Bëma/ Komisioni i Disiplinës dënon Bathën e Torasën për…
Ngjet edhe kështu: Komisioni i Disiplinës pranë FSHF-së jep masa të rrepta për lojtarë të caktuar pas një ndeshjeje miqësore.
Tirana dhe Bylisi janë ata që penalizohen.
Bardheblutë nuk do të kenë në dispozicion për 4 ndeshje dy titullarët Idriz Bathën dhe Agustin Torasën për sjellje të pahijshme ndaj zyrtarit të ndeshjes në miqësore.
Ata nuk do të jenë në fushë së paku për ndeshjen e Kupës me Shkumbinin dhe takimin e parë të Kategorisë Superiore me Kukësin.
Edhe sulmuesi i Bylisit Kudus Laval është pezulluar me 5 ndeshjeje pasi 25 vjeçari ka goditur me shkelm njërin prej kundërshtarëve në një miqësore. Rasti është raportuar nga gjyqtarët.
Vendimet e Komisionit të Disiplinës:
1. Lojtari i KF Bylis, Qudus Abiodun Lawal, për goditje me shkelm ndaj kundërshtarit, në bazë të Nenit 47/1/e të KDS dënohet me 5 (pesë) ndeshje pezullim nga aktiviteti futbollistik.
2. Lojtari i KF Tirana, Agustin Gonzalo Torassa, për sjellje josportive ndaj zyrtarit të ndeshjes, në bazë të Nenit 48/1/a të KDS dënohet me 4 (katër) ndeshje pezullim nga aktiviteti futbollistik.
3. Lojtari i KF Tirana, Idriz Batha, për sjellje josportive ndaj zyrtarit të ndeshjes, në bazë të Nenit 48/1/a të KDS dënohet me 4 (katër) ndeshje pezullim nga aktiviteti futbollistik.