Luftëtari merr edhe një ‘shqelm’ nga Disiplina
Kupa e Shqipërisë nuk i shpëton vëmendjes dhe vendimeve të Komisionit të Disiplinës, pasi kjo fundjavë e parë e sezonit 2020-21, ka pasur ngjarje të cilat kanë përfunduar në Dispilinë.
Luftëtari është përjashtuar nga Kupa e Shqipërisë për sezonin e ardhshëm, për shkak të mosparaqitjes në ndeshjen e Kupës. Vendimi vjen sipas rregullores edhe pse klubi me 90 vite histori, duket se është shkrirë plotësisht.
Vendimet e Komisionit të Disiplinës:
- Lojtari i FK Dinamo, Plarent Fejzaj, për sjellje josportive ndaj kundërshtarëve, në bazë të Nenit 47/1/d të KDS dënohet me 4 (katër) ndeshje pezullim nga aktiviteti futbollistik.
- Zyrtari i KF Egnatia, Klaudian Dervishi, për protestë ndaj vendimeve të zyrtarit të ndeshjes, në bazë të Nenit 55/2 të KDS dënohet me 2 (dy) ndeshje pezullim nga aktiviteti futbollistik.
- Lojtari i KF Skënderbeu, Sciprim Taipi, për sjellje josportive ndaj kundërshtarit, në bazë të Nenit 47/1/d të KDS dënohet me 1 (një) ndeshje pezullim nga aktiviteti futbollistik.
- Lojtari i FK Tomori, Orgest Gava, për sjellje josportive ndaj kundërshtarit, në bazë të Nenit 47/1/d të KDS dënohet me 2 (dy) ndeshje pezullim nga aktiviteti futbollistik.
- KF Luftëtari, për braktisjen e ndeshjes së vlefshme për Kupën e Shqipërisë kundër FK Elbasani, në bazë të nenit 54/1 të KDS dhe Nenit 109/2/a/c të Rregullores së Veprimtarisë Futbollistike humbet ndeshjen në tavolinë me rezultatin 3-0 dhe dënohet me mospjesëmarrje në sezonin pasardhës të Kupës së Shqipërisë.