Gasperni pritet të bëhët “Gasperson”
Trajneri i skuadrës së Berat Gjimshitit, si pak kush në Seria A. Gati kontrata afatgjatë.
Tani mund të quhet me termin e plotë ‘Gasperson’. Po, sepse Xhanpiero Gasperini ka vendosur të zgjasë kontratën e tij me Atalantën deri në vitin 2023 me një opsion edhe për 2024.
Pas drejtimit të shkëlqyeshëm të Atalantës në Seria A sezonin e kaluar dhe mbërritjes në çerekfinalet e Ligës së Kampionëve, ai jo vetëm që do kthehet në ‘Fergursonin’ italian (së paku llogaritën 7 vite me bergamaskët) por do të ketë një rritje page.
Sidoqoftë, pseudonimi ‘Gasperson’, ka origjinë më të largët. Gasperson lindi nga vitet e Gasperinit në Xhenova kur tifozët dhe vetë presidenti Preciozi panë tek ai një trajner i cili, së bashku me klubin, u përpoqën të ndërtonin ekipin.
Në vizionin e presidentit të Atalantës, Perkasi, marrëdhënia me trajnerin do të zgjasë për gjithë jetën. Atalanta dhe Xhanpiero Gasperini nisin në 26 shtator kundër Torinos.
