U kthye nga Karaibet, 14 ditë në karantinë!
Sulmuesi Herri Kein nuk ka qenë në gjendje të bashkohet me skuadrën e Totenhemit, e cila ka kohë që ka nisur përgatitjet për sezonin e ri.
Kapiteni i Anglisë ishte me pushime në një ishull të Karaibeve, i cili u shtua në listën e vendeve që duhet t’i nënshtrohen karantinimit, sapo shkel në Mbretërinë e Bashkuar.
Kështu ai është izoluar në shtëpi bashkë me gruan e tij, Kati Gudland dhe dy fëmijë e tyre. Kein duhet të qëndrojë i mbyllur për 14 ditë, por pritet të kthehet në qendrën e trajnimit të “Hotspur Way” javën e ardhshme.
Sulmuesi 27-vjeçar nuk ka ndonjë problem dhe shpresohet të jetë gati për ndeshjen hapëse të Premier League, ndaj Everton më 12 shtator. Madje ai pritet edhe për takimet e Anglisë kundër Islandës dhe Danimarkës për Ligën e Kombeve javën e ardhshme.
