Tronditet Barcelona, një me Covid-19…
Njëri nga futbollistët e Barcelonës, pas analizës së tamponit, ka rezultuar i infektuar me Covid-19. Sipas zyrtarëve të klubit katalanas, rasti u zbulua në një nga nëntë lojtarët që filluan përgatitjet për sezonin e ri ditën e sotme.
Pedro, Francisco Trincao, Matheus Fernandes, Jean-Clair Todibo, Moussa Wague, Carles Alenya, Rafinha Alcantara, Juan Miranda dhe Oriol Busquets, ishin 9 lojtarët, që pas pushimeve dhe u testuan për koronavirus.
Zyrtarët katalanë nuk e tregojnë emrin e të infektuarit, por raportojnë se futbollisti është në gjendje të mirë shëndetësore dhe i izoluar në shtëpi. Ata shtojnë gjithashtu, se ai nuk ka patur kontakte me pjesën e lojtarëve të Barcelonës, e cila sot fluturon drejt Lisbonës për ndeshjet ¼ finale të Champions League.
