Atalanta-PSG hap “Final Eight”
Starton sot në ‘Da Luiz’ të Befikës, ‘Final 8’, formati i ri në Champions League për edicionin 2019-20.
Do të jenë Atalanta-Pari SG, dy skuadrat e para çerekefinaliste, të cilat nisin sot sfidën nën ethet e kompeticionit më të rëndësishëm në Europë, duke nisur nga ora 21:00. (Ndeshja për 90 minuta në rast barazimi kalon në shtesë dhe më pas penalltitë).
Zikaltërit e Xhan Piero Gasperinit janë e vetmja skuadër e Seria A, që mban lart flamurin e të mëdhave italiane në Champions.
Ndërkaq, tekniku i bergamaskëve do të ketë mungesën e portierit Golini, sulmuesit Iliçiç dhe Palominos të dëmtuar.
Paris SG e teknikut Tuhel, vjen me dy trofe të fituar, në dy takimet e vetme që kampionia e Francës ka luajtur muajin e fundit.
Marko Verrati i dëmtuar dhe Di Maria me kartonë, nuk kanë shanse aktivizimi, ndërsa Mbape është grumbulluar dhe do ta nisë nga stoli.