Greca ikën nga Laçi, firmos te Feronikeli
● Pas gjashtë muajsh në radhët e bardhezinjve kurbinas, mesfushori sulmues i linjës së djathtë largohet nga Laçi me destinacion ekipin e Toverlanit në Ipko.
Bedri Greca është rikthyer në Superligën e Kosovës. Ai i është bashkuar Feronikelit nga Laçi, fill pasi përfundoi kontratën me kurbinasit.
30-vjeçari kryeqytetas karrierën e pasur sportive e ka zhvilluar te klubet e Tërbunit, Tiranës, Kukësit, Flamurtarit, Gjilanit dhe Laçit, me të cilin u aktivizua deri para pak ditësh.
Greca është prezantuar në ambientet e FC Feronikelit, nga zëvendëspresidenti i klubit, Ragip Veseli dhe nga drejtori i përgjithshëm, Artan Berisha.