Premier League, rifillon më 17 qershor…
Premier League po afron me shpejtësi rifillimin e kampionatit. Sot ka ardhur vendimi i njëzet klubeve pjesëmarrëse në kampionatin e ishullit…
Ata u mbodhën një një konferencë, e dyta në dy ditë. Ka pasur 12 rezultate pozitive në tre raunde testimesh për koronavirus në klubet e Premier League. Katër teste pozitive u njoftuan të mërkurën në mbrëmje.
Po gjithçka konsiderohet normale. Premier, do të rifillojë më 17 qershor me ndeshjet e prapambetura Mançester Siti – Arsenal dhe Aston Vila – Shefild Junajtid, të pezulluara për shkak të pandemisë me COVID-19.
Ndërkohë takimet e javës së 30-të, sipas parashikimeve do të zhvillohen në fundjavën e 19,20,21 qershorit.
Vendimi do të duhet të ratifikohet nga Federata Angleze e Futbollit, e cila duket është e orientuar për ndezjen e dritës së gjelbër për rifillimin e Premier League, në të njëjtat data të parashikuara nga liga.
Shembulli i Bundesligës duket iu është imponuar edhe shpikësve të kësaj loje magjike…
