Superiorja pa një datë, ligji dikton afate…
A po pret Superiorja verdiktin italian të Serisë A në program nesër për të dhënë një përgjigje?
Kushtëzuar nga Ligji Nr 79/2017 “Për Sportin”, Neni 50 “Detyrimi për njoftimin e Policisë së Shtetit”, afatet reduktohen ndjeshëm.
Mungesa e përgjigjes nga ana e Ministrisë së Shëndetësise dhe ajo e Sporteve , duket se po e fut në krizë institucionale marredhënien mes qeverisë dhe FSHF-së.
E përcaktuar si datë rifillimi me 3 qershor, Kategoria Superiore nisi që në 18 maj përgatitoret, duke vënë në zbatim një protokoll higjeno-sanitar, të miratuar nga Komitetit Teknik i Ekspertëve të Shëndetësisë.
Në periudhën COVID-19, FSHF dhe eksponentë të lartë të saj, ndërmorrën hapa konkretë, duke u takuar me përfaqësues të Ministrisë së Shëndetësisë.
Këta të fundit, pasi dhanë dakortësinë për 18 majin, datë seancash përgatitore, ende nuk po japin përgjigjen zyrtare të nisjes së kampionatit në 3 qershor.
Kushtëzuar nga Ligji 79/2017 “Për Sportin”, Neni 50, “Detyrimi për njoftimin e Policisë së Shtetit”, afatet reduktohen ndjeshëm.
