Tufa: ‘Për futbollin lipset një… plan’
● Flet një ndër penat më të arta të gazetarisë sportive ndër vite…
Në versionin on-line… i ftuar te ‘Ora Sport’ në televizionin Ora News, kryeredaktori dhe njëri nga drejtuesit më të lartë të ‘Sporti im.al’, gazetari i njohur Bashkim Tufa.
Që nga viti 1979 e deri në vitin 2012 gazetar, drejtor dhe kryeredaktor te ‘Sporti Popullor’ që më vonë u emërtua ‘Sporti Shqiptar’. Më e madhja sportive në dekada…
Ai që kurrë nuk bëri dhe nuk bën paqe për të vërtetën, tha shkoqur se menaxhimi i sportit në kohë pandemie, mbetet mision shumë i vështirë.
“Futbollistët tanë kërkojnë lëmoshë. Shteti shqiptar i hodhi në rrugë. Kryeministri, me një të rënë të lapsit, i la ato pa punë. Jo për qejfin e tyre, por për shkak të koronavirusit.
Mos harrojmë që dhe futbolli është një shtresë e rëndësishme e shoqërisë tonë. Eshtë e vështirë kjo forma e re e stërvitjes online.
Nëse futbolli do të fillohet do të jetë shumë e vështirë. Duhet të jemi shumë të përgatitur. Duhet të kemi një plan,“- deklaroi kryeredaktori i ‘Përjetshëm’ Bashkim Tufa. (Përgatiti: I.Myrtaj).