Uhan Zall, skuadra pritet me lule…
Atje nisi mbyllja e parë sportive, atje ristarton.Pas më shumë se tre muajsh, Uhan Zall, skuadra e qytetit të epiqendrës së pandemisë Covid-19, është rikthyer në shtëpi.
Lojtarët dhe stafi arritën në stacionin kryesor të qytetit në një tren super të shpejtë nga Guangzhou. Për të mirëpritur trajnerin Hoze Gonzales dhe lojtarët e skuadres, qindra tifozë, dolën për të pritur benjaminët e tyre.
Kinezët shembull në të tilla nisma, me disiplinë e me maska kënduan këngë krenarie për nder të ekipit, duke shpërndarë gjithashtu edhe tufa me lule për idhujt e tyre.
Skuadra e Superliges kineze, takimin e fundit zyrtar, përpara se të njihej si qëndra ‘famkeqe’ e koronavirusit, e luajti në 1 dhjetor 2019 në shtëpi me Hebei (1-2). Kampionati pas shtyrjes së javës së parë, pritet të nisë në 3 maj.