Ngo: ‘Sterling mund të vijë në festën e Tiranës’
Majkëll Ngo i ftuar në një bisedë video për FanZonë, u ndie disi i çliruar duke treguar se si ai po kalon ditët e karantinës në Tiranë.
Anglezi i vijës së parë të Tiranës, figuron njeriu ‘gol’ në sfidën e fundit ndaj Laçit në ‘Air Albania Stadium’.
E ka humbur kthimin në Angli dhe i duhet të presë. Shokun më të ngushtë ka Hasanin…
Për trajnerët thotë:
“Mendoj se kam pasur marrëdhënie të mira me ish-trajnerët, ndoshta ka pasur situata me trajnerë si Mema por që kanë kaluar. Mema është një person shumë i mirë, i cili donte të instalonte filozofinë e tij në ekip.
Me Egbo jemi të lirë të luajmë, më kompaktë si skuadër kur mbrojmë, ne jemi më kompakt po ta shihni në ndeshje”.
Ai është rritur në Akademinë e Liverpulit, por ka miqësi me Rrahim Sterling, lojtarin e skuadrës së Mançester Sitit. Futbollistin më të kërkuar të momentit në tregun botëror.
I pyetur nëse ai mund ta ftojë në Tiranë për festën eventuale të titullit kampion të bardhebluve Ngo tha:
“E kam ftuar të vijë disa herë por meqë Mançester Siti luan shumë ndeshje, është shumë e vështirë. Edhe në ndeshjet e kombëtares ai është gjithmonë. Ndoshta mund të vijë në verë, por ndoshta ka ndeshje këtë vit”, – ndër të tjera Ngo.