Sormani kur luante me… ‘Parmen’
Te Partizani janë në hall. Skuadra pësoi humbjen e radhës në ‘Loro Boriçi’ dhe humbi terren me kreun. Janë plot 15 pikë larg Tiranës.
Përkeqësimi pas 3 humbjeve radhazi dhe të një barazimi zhgënjyes me Bylis, ka lënë pa fjalë klub, tifozë, ish-futbollistë të kuq, specialistë.
Edhe pse preferohet heshtja, në unison e konsiderojnë Sormanin fajtorin kryesor të gjëndjes në tabelë. Pas humbjes trishtuese në derbi, skuadra ‘italiane’, rrugëtoi njësoj duke u ‘motër-uar’ me humbjet.
Mediatikisht apo në rrjete, Adolfi i ‘vogël’, shihet si dështimi i radhës i shkollës italiane.
“Behu burre dhe jep vet dorëheqjen…! Jep dorëheqjen sa është shpejtë
Jep dorëheqjen para se te shkatërrosh ekipin e Partizanit, pasi kush trajner ka ardhur nga Italia ka shkatëruar Partizanit,“- shkruante Dosti në Facebook.
Ish-kampioni me banim në Austri, ka rezultuar i përditësuar pas çdo takimi, madje duke ngritur zërin e së drejtës…
Askush nuk i thotë një fjalë ish-lojtarit të Parmes. Me gjasë kjo situatë kaotike te ‘Demat’, do vendosë në diskutim edhe Europën. ‘Rroftë kontrata 2.5-vjeçare’