Nis “fshesa” te Teuta…
Durrsakët nuk duan të humbim kohë. Tekniku Martini ka nisur ristrukturimin e Teutës së tij edhe pse është atmosfere festash. Klubi ka bërë të ditur emrat e dy futbollistëve të pare që do të largohen nga gjiri i “djemve të detit”. Ata janë sulmuesi Darko Nikaç dhe mesfushori Roni Gashi, të cilët nuk kanë arritur të justifikojnë paraqitjen e tyre.
“Klubi i Futbollit Teuta zyrtarizon mbylljen e bashkëpunimit me Darko Nikaç dhe Roni Gashin Mesfushori dhe sulmuesi i kanë zgjidhur me konsenus kontratat me Teutën. KF Teuta falënderon të dy lojtarët për kontributin e dhënë me skuadrën tonë dhe i urojmë suksese në karrierë!”, njoftojnë durrsakët në faqen e tyre në “facebook”.
Që të dy sulmuesit nuk kanë arritur të bindin drejtuesit e klubit durrsak dhe trajnerin Edi Martini për vazhdimësinë e bashkëpunimit midis tyre. Shtatlarti Nikaç është aktivizuar në 17 ndeshje si titullar dhe ka shënuar vetëm 1 gol, ndërsa Gashi ka luajtur në 13 ndeshje, pa mundur ta gjejë rrugën e rrjetës.