Mesjavë elite, në Durres dhe Ballsh, beteja të ‘nxehta’
Java e 16-të e Kategorisë Superiore do të luhet nesër në mesditë. Nëse fundjava e shkuar prodhoi risi të mëdha në rezultate e theu një rekord në vete me largimin e tre trajnerëve, e radhës, pritet të jetë shumë e luftuar në fushën e lojes.
Kukësi kryesues, do të udhëtojë drejt Shkodrës aty ku Vllaznia, ka motiv të tregojë dhëmbët edhe ndaj skuadrës së cilësuar si më kualitative e grupit të elitës shqiptare.
Teuta pas rikompozimit në staf, pret Partizanin që humbi derbin e madh të kryeqytetit dhe largoi trajnerin Franko Lerda. Konsiderohet ndër takimet më të forta të javës.
Sikundër përballja Bylis-Laçi. Dueli në ‘Adush Muça’, me pikë nisjeje luftën e fortë sportive që nga maji i vitit 2013, teksa skuadrat luajtën një finale Kupe, mund të rezultojë fatlume për njërën nga ekipet më në formë të Superiores (Bylisin ose Laçin).
Në ‘Selman Stërmasi’, Tirana e rikthyer në nivele të larta, pret Flamurtarin e krizës së madhe. Në dukje një takim i thjeshtë për bardheblutë.
Ndryshe parashikohet takimi në Gjirokastër. Luftetari vendas, ka shansin e radhës për të rikthyer besimin nëse fiton ndaj Skëndërbeut me oshilacione të shumëta.
Megjithatë, edhe bluzinjtë kanë një mal me probleme. Që nga mungesa e një trajneri e deri te problemet financiare. “Te Luftetari luajnë për qejf. Rapo dhe shumë të tjerë, nuk kanë marrë asnjë kacidhe këtë sezon”– shpreheshin të afërm të lojtarit nga tribuna VIP e stadiumit ‘Laçi’ të dielën.
Java e16 –të e mërkurë 18 dhjetor ora 13:00:
Teuta- Partizani
Bylis- Laçi
Vllaznia- Kukësi
Luftetari- Skënderbeu
Tirana- Flamurtari (16:00)