Kombëtarja e femrave,turpërimi vjen nga Finlanda
Euro 2021, Grupi 5: Finlandë-Shqipëri 8-1
Euro 2021, Grupi 1: Estoni- Kosovë 1-2
Turpërim me përmasa katastrofike për Kombëtaren e femrave. Vajzat kuqezi, të drejtuara nga Vioresin Sinani, përkundër takimit të 4 ditëve më parë me Portugalinë (0-1), sot u shkatërruan në të gjitha drejtimet nga Finlanda 8-1, në një takim për llogari të Grupit 5 kualifikues të Europianit.
Tri takime tri humbje, me goleverazhin 1- 12. Kombëtarja e femrave mbrëmjen e sotme ngushëllohet vetëm nga humbja tjetër katastrofike në Europë, teksa Ishujt Farore u mundën 0-13 nga Norvegjia.
Ndërkaq Kosova për femra, arriti një sukses në transfertë, ndërsa në Estoni fitoi me përmbysje ndaj vendasve estoneze në shifrat 1-2 me dy gola të shënuar nga e njejta futbolliste, Modesta Uka.
Pas këtij rezultati, Kombëtarja dardane e femrave, mban gjallë shpresat për një kualifikim në Grupin 1.