Veseli “ciao” Italisë, ikën drejt Turqisë…
Mbrojtësi i Kombëtares kuqezi, Frederik Veseli, është ndarë përfundimisht me Empolin dhe futbollin italian, për t’u bashkuar me skuadrën turke Denizlispor.
“Frederik Veseli përshëndetet me Italinë. Mbrojtësi i datëlindjes 1992 është transferuar te Denizlispor, skuadër që militon në Superligën turke. Shqiptari sezonin e fundit luajti 31 herë në Serinë A me Empolin, dhe ka ardhur në futbollin Italian në seznoin 2016-2017”, kështu shkruan gazetari italian Xhanluka di Marcio, i “Sky Sport” në faqen e tij të specializuar për merkaton.
Gazetari Di Marcio nuk jep detaje të tjera, për transferimin e mbrojtësit Veseli te skuadra turke, të cilat pritet të zbardhen në ditët e ardhshme.
