Porto, Markesin zevëndëson Kasijas…
Agustin Federiko Markesin, nënshkruan për kuadratin e Portos. Lajmi vjen nga vetë klubi i ‘dragonjëve’ të cilët raportojnë se portieri argjentinas, ka firmosur për Porton deri në vitin 2023.
Nënkapionët e Portugalisë, pas problemëve shëndetësore që pati Iker Kasijas, ishin vënë në kërkim intensiv të një gardiani, teksa më në fund, kanë pikasur 31 vjeçarin që ishte së fundi pjesë e Klub Amerika në Meksikë.
Markesin, pas kontributit me përfaqësuesen e moshave ‘albiçeleste’ 10 vite më parë, ka provuar të veshë dhe 4 herë fanelën e përfaqësuesës së madhe.
