Bajern ecën me “Audi 6”, goleadë turqve…
Bajerni i Mynihut luan tenis në “Audi Cup”. Në antitezë me Real Madrid, teksa formacioni i Zidan ecen në drejtim të paditur, bavarezët e Kovaç, shkatërrojnë Fenerbahçen e Muriqit 6-1.
Tri herë Myler, dhe më pas Sançez, Goretzka, e Koman, autorët e goleadës së kampionëve të Gjermanisë.
Kruze për turqit shënon pas uljes së tempit vendas. Mesazhi i qartë, Bajerni i Mynihut makinë golash dhe superfuqi në futbollin europian.
Nesër, në orën 20:30, në “Allianz Arena” do të zhvillohet finalja e këtij eventi. Përballë do të jenë Bajern Mynih-Totenhem. Më herët, në orën 18:00, do të ndeshen Real Madrid-Fenerbahçe.
