Laçi, testi brenda familjes…
Laçi A-Laçi B 4-0
Kurbinasit, në mungesë të skuadrave shqiptare në terren, kanë gjetur një mënyrë ideale për të parë nga afër situatën në grup, përpara se bardhezinjtë të ndeshën të enjten e ardhshme për Europa League me Ber Sheva.
Starova i ka ndarë futbollistët në dy grupe A dhe B në fushën e stadiumit Laçi. Madje me kalimin e minutave, tekniku kryeqytetas, ka alternuar disa fanela duke kaluar futbollistë të caktuar nga A te B e anasjelltas.
Në fund, ka triumfuar skuadra A në shifra të thellë 4-0. Në gol për formacionin titullar, shkuan i zakonshmi Berisha, sulmuesi Xhixha dhe dy herë braziliani Teko, që firmosi pak ditë më përpara për kurbinasit.