Vinjales i pandalshëm, fiton GP të Holandës
Maverik Vinjales shënon fitoren e parë të Yamaha për këtë sezon. Piloti spanjol bëri një garë madhështore, të dielën pasdite në cirkuitin e Asenit, ku u zhvillua konkurrimi për Çmimin e Madh të Holandës, në Moto GP.
Në vendin e dytë përfundoi patrioti i tij Mark Markez (Repsol Honda Team), që kryeson renditjen e këtij botërori.
Francezi Fabio Kuartararo (Petronas Yamaha SRT ), që u nis i pari në start, plotësoi treshen e podiumit të fituesve në garat për Çmimin e Madh të Holandës për kategorinë Moto GP.
