Edhe Hoxha, lamtumirë Luftëtarit!…
Pas mesfushorit fierak Albano Aleksi dhe portierit elbasanas Shkëlzen Ruçi, nga radhët e skuadrës gjirokastrite largohet edhe një futbollist tjetër titullar.
Bëhet fjalë për qendërmbrojtësin Rustem Hoxha, i cili nëpërmjet një postimi në Instagram ka shpallur largimin nga Luftëtari.
Durrsaku 27-vjeçar, pas një përvoje njëvjeçare te Kukësi, këtë sezon u bashkua me gjirokastritet, duke u aktivizuar në 24 ndeshje dhe shënuar një gol ndaj Partizanit në Kupën e Shqipërisë.
Mbrojtësi Rustem Hoxha ndërsa falenderon Luftëtarin, por nuk e rrëfen destinacionin e tij të ri, nëse do t’i bashkohet Teutës, skuadrës së qytetit të tij të lindjes, apo ka synime të tjera.