Kutinjo: Mendoj të iki nga Barcelona!
Filipe Koutinjo duket larg nga Barcelona. Sipas gazetës braziliane “Sport”, mësohet se sulmuesi u ka zbuluar disa shokëve të “seleçaos”, se ai dëshiron të largohej nga “blaugranët” katalanas.
“Mendoj të largohem nga klubi, e di që është një vendim i vështirë, por mund të jetë më i miri për karrierën time”, mësohet të ketë thënë sulmuesi brazilian.
Kutinjo, i cili nuk po lë gjurmë te Barcelona, duket të jetë i lodhur nga kritikat e shumta që ka marrë dhe është gati të shkojë te Premier League (Mançester Junajtid), ose në Francë te Paris SG.
