Benzema i shpëtoi nderin familjes Zidane…

● Trajneri Zidane në ndeshjen ndaj Hueskas aktivizon të birin, Lukën në portë, eksperiment që rezultoi i dështuar…

Zinedin Zidan nuk është i pari trajner që ka vepruar kësisoi. Madje nuk do të jetë as edhe i fundit. Gjithsesi ai e provoi, luajti të ashtuquajturën “ruletën ruse”.

Në ndeshjen ndaj Hueskas në stadiumin “Santiago Bernabeu”, portën e Realit të Madridit, Zinedin ia besoi si titullar të birit, Luka Zidanes. Veç ajo që dukej aq e thjeshtë dhe e lehtë në letër, nuk rezultoi e tillë.  

Portieri i ri i mbretërorëve të Madridit do ta niste aventurën e tij në katërkëndëshin e Realit që në fillim me një gol të pësuar nga Kusho.

Madrilenët do të vendosnin ekuilibrin në minutën e 25-të me anë të Iskos dhe në të 62-tën minutë do të kalonin në epërsi, pas golit të Kebalos.

Por miqtë nuk janë dorëzuar. 15 minuta para fundit, qendërmbrojtësi Etxeita shënon golin e dytë në portën e të riut Zidane.

Për të shpëtuar nderin e familjes Zidane, do të mendonte bashkatdhetari i tyre Karim Benzema, i cili do të shënonte dhe do të fiksonte fitoren 3-2 të Real Madridit në ‘Bernabeu”.

Me këtë gol, franko-algjeriani Benzema do të shpëtonte nga kritikat e medias dhe të tizofezëve edhe trajnerin e rikthyer në radhët e “merengësve” Zinedin Zidan për këtë “eksperiment” të dështuar…

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!