Gjici, fatura e Cuculit

Ramazan Ndreu e drejtoi thuajse në perfeksion skuadren e tij në debutim. Krutani, njohës i mire i futbollit shqiptar, mund të merrte lëvdatat e gjithë botes nëse ish-i i Partizanit, Cuculi, nuk do ndëshkonte Kukësin me një penallti të evitueshme. Megjithatë, Ndreu nuk vuri pika. Jo Gjici, i cili në dalje të “Loro Boriçit”, është shprehur:

“Çfare të them. Një ndeshje e bukur, merituam fitoren, por Cuculi gaboi shumë rëndë. Më pas nuk e di a ishte penallti, pasi duhet ta shoh, por këto të Partizanit i kanë qejf penalltitë”,- tha Gjici për “SuperSport” pas ndeshjes.  

Presidenti i Kukësit harxhoi miliona për të afruar skuadren e tij me titullin, por si Shkurtaj ashtu dhe Rroca, nuk po justifikojnë.

Edhe pse në faze finale, kreu i klubit, shpërfaq optimizem e shton: “Matematika na lejon të shpresojmë te titulli, ndaj do luajmë deri në fund për fitore dhe të shohim si do shkojnë gjërat”