Starova e Daja, gjest i rrallë Fair-Play…
Nga Isuf Myrtaj
Pas ndeshjes Laçi – Flamurtari (0-0), teknikët përgëzojnë si askush futbollistët.
Ndeshja u mbyll. Ashtu siç nisi 0-0…! Por ai gjest i bërë, nga dy teknikët, ndërsa skuadrat po futeshin në tunel, lipset të sherbejë si etalon shëmbullor për këdo që merret me sport.
I pari, e nisi Starova. Tekniku tiranas, edhe pse e ka dëshiruar fort fitorën në debutimin te Laçi, pati kurajon të përgëzojë të gjithë futbollistët e Flamurtarit pas takimit. Gjest vërtetë sinjifikativ i kohëve moderne.
Pas tij, radha e Dajes. Sikundër homologu i tij, edhe trajneri i vlonjatëve, është ndalur e ka pritur derisa bardhezinjtë po i drejtoheshin dhomave të zhveshjes. Takim dorë më dorë. Më pas, fair-play , kalon te vetë ata. Starova dhe Daja, në rrokjen e dytë të duarve…
Mesazhi i qartë! Luajmë në fushë, jemi njerëz dhe qytetarë pas saj. Jo racizëm… futbolli bashkon. Një skenë, që zor do mund të hiqet nga memorja. Në antitezë, me dhunën e shfaqur së fundi në ndonjë impiant sportiv.
