‘Perandori’ lavdëron Muriqin

Të enjten në Stamboll, ndeshja e parë e grupëve të EL: Gallatasaraji- Lacio.

Sikurse Champions League edhe Europa League rikthehet në fushë për fazën e grupëve. Një duel i fortë të enjten në Stamboll ai mes Gallatasarajit dhe Lacios në program në 18:45.

Duke folur për këtë takim ‘Perandori’ i pankinës turke, Fatih Terim ka theksuar se Grupi E me Lacio, Gallatasaraji, Lokomotiva Moskë dhe Olimpik Marsejë ngjan më shumë me një grup të Champions League.

Terim: “Jemi skuadër e re por në grupin tonë nuk ka favortë. Grupi në nivelin e Champions League”

Ai foli edhe për Vedat Muriqin. Për Sporx ai tha: “Vedat Muriqi është një sulmues i mirë me shumë cilësi. Ai ka një të majtë të fortë dhe di të pozicionohet. Është një finalizues i mirë kur kthehet me fytyrë nga porta. Normale që ai do të ketë një përshtatje periodike. Ka përballë një lojtar të madh para tij si Imobile “.