Atletik Bilbao fiton Kupën e Mbretit, Muriqi nuk mjafton për Majorkën
Në finalen e Copa Del Rey luajtur në Sevilje ndërmjet Atletik Bilbaos dhe Majorkës u deshën penalltitë për të korurëzuar fituesin e edicionit 2023/2024.
Në ‘Olimpico’ të Seviljes ishte Majorka e cila kaloi përpara në minutën e 21-të me Dani Rodriguez. Oihan Sancet barazoi për baskët teksa kronometri shënonte të 50-ën.
Edhe pas kohës shtesë 2×15 shifrat nuk ndryshuan. E gjitha u zgjidh nga ‘ruleta ruse’. Fillimisht Vedat Muriqi goditi i pari për Majorkën duke realizuar.
Më pas lojtarët e skuadrës së ‘Dardanit’ gabuan dy penallti radhazi teksa Bilbao u tregua e saktë duke fituar (4-2) trofeun e Kupës së Mbretit pas 40 viteve.