Akti i fundit, Superiorja drejt konfigurimit final
- Dinamo Siti-Teuta e prapambetur me shumë mundësi do të zhvillohet me datën 3 prill teksa në program janë ndeshjet e para të turit gjysmëfinal të Kupës së Shqipërisë.
Këtë fundjavë do të startojë java e parë e fazës së katërt Abissnet Superiore 2023/2024 përpara se të kalohet te ndeshjet e ‘Final Four’ dhe ajo Play Off (vendi i tetë ‘play out’ kundër sifdantit të pozicionuar i treti në Kategori të Parë ardhur nga faza play off e kësaj lige).
Sipas axhendës së përcaktuar nga Departamenti i Garave në FSHF, sfida e parë, ata që luajnë të shtunën, i përket duelit Erzeni- Laçi i cili starton në orën 14:00 dhe zhvillohet në Rrogozhinë.
Ndërkaq dy sfidat e tjera të ditës startojnë në orën 17:00. Në Durrës, Teuta takohet me Partizanin ndërsa në Korçë, Skënderbeu pret Egnatian.
E diela ofron dy përballjet e fundit duke nisur nga ora 14:00 me takimin Kukësi- Vllaznia e programuar për në orën 14:00 ndërsa pak më vonë derbi Tirana- Dinamo Siti që do të zhvillohet në ‘Air Albania Stadium’ në kryeqytetin shqiptar, Tiranë.
Java e 28-të (e para e fazës së katërt)
Të shtunën:
Erzeni- Laçi 14:00 (në Rrogozhinë)
Teuta- Partizani 17:00
Skënderbeu- Egnatia 17:00
Të dielën:
Kukësi- Vllaznia 14:00
Tirana- Dinamo 17:00 (Air Albania)/Sportiim.al/