Kupa bëhët serioze, sot dy ndeshje
Radha e turit çerekfinal të Kupës së Shqipërisë. Pas shortit të hedhur 3 javë më parë, sot dhe nesër, 4 çiftet në kërkim të biletës për në gjysmëfinale. Do të nisë me Kukësi- Partizani sot në 13:30 dhe në 17:00 në ‘Niko Dovana’ të Durrësit, ndeshja Teuta- Tirana.
Nesër (e mërkurë), radha e dy takimeve të tjera teksa me fillim orën 13:30 Laçi do të presë Egnatian dhe Erzeni pritës në Rrogozhinë, përballet me Vllazninë.
Ndërkohë ndryshe nga turet e kaluara, në çerekfinale luhet me vajtje-kthim. Për t’u kujtuar fakti që goli në fushë kundërshtare nuk vlen ndërsa në rast barazimi shkohet në shtesë apo penallti.
Kupa e Shqipërisë edicioni i 72-të, turi çerekfinal:
Sot
Kukësi- Partizani 13.30
Teuta- Tirana 17:00
Të mërkurën:
13:30
Laçi- Egnatia
Erzeni- Vllaznia