Koreja e Jugut shkarkon trajnerin Klinsman
U eleminua në gjysmëfinale të Kupës së Azisë nga Jordania, AKF shkarkon legjendën gjermane Jurgen Klinsman.
Trajneri i Koresë së Jugut, Jurgen Klinsman është shkarkuar nga detyra. Kështu ka bërë të ditur sot Federata Koreane e Futbollit (AKF), pas eliminimit të fundit të kombëtares në gjysmëfinale të Kupës së Azisë.
“AKF ka vendosur të ndryshojë trajnerin pas vlerësimit të kujdesshëm”, tha presidenti federal Chung Mong-gyu në një konferencë për shtyp duke shkarkuar trajnerin gjerman pas pak më pak se një viti në krye të ekipit aziatik.
“Klinsman nuk arriti të demonstronte aftësitë e tij menaxhuese dhe lidershipin që pritej nga një trajner i ekipit kombëtar në fusha që variojnë nga taktikat, menaxhimi i personelit, qëndrimi i punës dhe fusha të tjera të nevojshme për të sjellë konkurrencë në ekip,” tha Chung. “Qëndrimi dhe konkurrueshmëria e Klinsman si trajner nuk i përmbushën pritshmëritë.